Ποντιακά Τραγούδια

[Thmmy.gr portal]

  Thmmy.gr portal
   Forum
   Downloads
   Ενεργ. Λογαριασμού
   Επικοινωνία
  
  Χρήσιμα links
   Σελίδα τμήματος
   Βιβλιοθήκη Τμήματος
   Elearning
   Φοιτητικά fora
   Πρόγραμμα Λέσχης
   Πρακτική Άσκηση
   Ηλεκτρονική Εξυπηρέτηση Φοιτητών
   Διανομή Συγγραμμάτων
   Ψηφιακό Καταθετήριο Διπλωματικών
   Πληροφορίες Καθηγητών
   Instagram @thmmy.gr
   mTHMMY
  
  Φοιτητικές Ομάδες
   ACM
   Aristurtle
   ART
   ASAT
   BEAM
   BEST Thessaloniki
   EESTEC LC Thessaloniki
   EΜΒ Auth
   IAESTE Thessaloniki
   IEEE φοιτητικό παράρτημα ΑΠΘ
   SpaceDot
   VROOM
   Panther
  

THMMY.gr Web

Helios_MultiScribbles2SMF Default ThemeSMFone_Blue

[Ανεβάζετε τα θέματα των εξετάσεων στον τομέα Downloads]

Είσαι πρωτοετής;... Καλώς ήρθες! Μπορείς να βρεις πληροφορίες εδώ. Βοήθεια για τους καινούργιους μέσω χάρτη.

Κατεβάστε εδώ το Android Application για εύκολη πρόσβαση στο forum.

Ανεβάζετε τα θέματα των εξετάσεων στον τομέα Downloads με προσοχή στα ονόματα των αρχείων!

[12:00-13:30]

Η γραμματεία είναι ανοιχτή καθημερινά 12:00-13:30

[anonymous-root]

Σε αυτό το τόπικ θα δημοσιεύει όποιος ξέρει στίχους από Ποντιακά τραγούδια.

Λόγω του γεγονότος ότι τα Ποντιακά τραγούδια είναι κατά μια βάση παραδοσιακά, υπάρχει πιθανότητα οι στίχοι να είναι ελαφρώς διαφορετικοί από εκτέλεση σε εκτέλεση.



Παρακαλώ να μην δημοσιευθούν off topic ποστς.
Ευχαριστώ.

[anonymous-root]

Και ξεκινάω με ένα πολύ γνωστό που ερμήνευσε και ο μεγάλος Στέλιος  Καζαντζίδης.

Το Τσαμπασίν

Εκάεν και το Τσάμπασιν
Και επέμναν τα τουβάρια γιαρ γιαρ αμάν
Και ρούξαν σο χουρτάρεμαν
Το Ορτούς τα παλληκάρια γιαρ γιαρ αμάν

Κεν έκαεν καεμάνιεν
Τ Ορτούς το Παρχάρ
Κεν εκεί τιδέν και επέμνεν
Μονάχον σαχταρ!

Εκάεν και το Τσάμπασιν
Γιαβρούμ τιδέν και επέμνεν
Ράσα και λειβαδότοπα
Άλλο χορτάρ και φέρνε

Τρανόν Γιαγκούν σο Τσάμπασιν
Σπίτε και θα απόμενε  γιαρ γιαρ αμάν
Τρανοί μικροί φτωχοί ζεγκίν
Ουλ καθούνταν και κλαίνε γιαρ γιαρ αμάν


Κλαίν τα πουλόπα τη θεού
Κλαίν τα πεγαδομάτα  γιαρ γιαρ αμάν
Κλαίει το Τσαμπλούκ το Καρακιόλ
Κλαιν τ' έμορφα τ' ελάτια  γιαρ γιαρ αμάν

[dimvam]

Πως σου ήρθε να ανοίξεις τέτοιο τόπικ;

ΚΟΡΤΣΟΠΟΝ ΛΑΛ’ ΜΕ

Κορτσόπον ανημέρωτον – κορτσόπον λάλ’ με
Κορτσόπον ανημέρωτον – κορτσόπον λάλ’ με
Πότε θα ημερούσαι – λάλ’ με κι ας λαλώ σε
Πότε θα ημερούσαι – λάλ’ με κι ας λαλώ σε

Και με τ’ εμέν το παλληκάρ’ – κορτσόπον λάλ’ με
Και με τ’ εμέν το παλληκάρ’ – κορτσόπον λάλ’ με
Πότε θα στεφανούσαι - λάλ’ με κι ας λαλώ σε
Πότε θα στεφανούσαι - λάλ’ με κι ας λαλώ σε

Κορτσόπον λάλ’ με, λάλ’ με κι ας λαλώ σε,
Σ’ έναν βούρα λεφτοκάρυα, λέει με έλ’ ας φιλώ σε
Σ’ έναν βούρα λεφτοκάρυα, λέει με έλ’ ας φιλώ σε
Κορτσόπον πολλά έμορφον – κορτσόπον λάλ’ με    Κορτσόπον πολλά έμορφον – κορτσόπον λάλ’ με
Και ντο πολλά αγαπώ σε - λάλ’ με κι ας λαλώ σε
Και ντο πολλά αγαπώ σε - λάλ’ με κι ας λαλώ σε

Πασκίμ’ ντο’ κ’ εγροικάς ατο – κορτσόπον λάλ’ με
Πασκίμ’ ντο’ κ’ εγροικάς ατο – κορτσόπον λάλ’ με
Πάντα πυκνοτερώ σε – λάλ’ με κι ας λαλώ σε
Πάντα πυκνοτερώ σε – λάλ’ με κι ας λαλώ σε

Κορτσόπον λάλ’ με, λάλ’ με κι ας λαλώ σε,
Σ’ έναν βούρα λεφτοκάρυα, λέει με έλ’ ας φιλώ σε
Σ’ έναν βούρα λεφτοκάρυα, λέει με έλ’ ας φιλώ σε

[dimvam]

ΣΕΡΑΝΤΑ ΜΗΛΑ ΚΟΚΚΙΝΑ
Σεράντα μήλα κόκκινα πούλιμ’
Σεράντα μήλα κόκκινα γιάβριμ’
Σ’ έναν μαντίλ’ δεμένα.
Σ’ έναν μαντίλ’ δεμένα.
Σεράντα σεβντάς κι αν εφτάς πούλιμ’
Σεράντα σεβντάς κι αν εφτάς γιάβριμ’
Κ’ ευρίκ’ς κι άμον εμένα.
Κ’ ευρίκ’ς κι άμον εμένα.

Για έλα έλα πούλιμ’ , με τ’ εμέν έλα γιάβριμ’
Ατό τ’ εσόν το τέρεμαν πούλιμ’ , θα σύρ’και παίρ’ τ’ αχούλιμ’.    
Σεράντα μήλα κόκκινα πούλιμ’
Σεράντα μήλα κόκκινα γιάβριμ’
Ση σειράν τιζεμένα.
Ση σειράν τιζεμένα.
Έπαρ’ αρνίμ’ και τη στρατάν πούλιμ’
Έπαρ’ αρνίμ’ και τη στρατάν γιάβριμ’
Ντο θα φέρ’ τσε σ’ εμένα.
Ντο θα φέρ’ τσε σ’ εμένα.

Για έλα έλα πούλιμ’ , με τ’ εμέν έλα γιάβριμ’
Ατό τ’ εσόν το τέρεμαν πούλιμ’ , θα σύρ’και παίρ’ τ’ αχούλιμ’.

[dimvam]

ΠΟΝΤΙΑΚΑ ΠΡΩΤΟΧΡΟΝΙΑΤΙΚΑ ΚΑΛΑΝΤΑ

«Αρχή Κάλαντα»


Αρχή Κάλαντα κι αρχή του χρόνου / κι αρχή του χρόνου
πάντα Κάλαντα , πάντα του χρόνου / πάντα του χρόνου

Αρχή μήλον έν κι αρχή κυδών’ έν / κι αρχή κυδών’ έν
κι αρχή βάλσαμον το μυριγμένον / το μυριγμένον

Εμυρίστεν άτο ο κόσμος όλεν / ο κόσμος όλεν
για μυρίστ’ άτο κι εσύ αφέντα / καλέ μ’ αφέντα

Τα καλά παιδία έρθαν σην πόρτας / και ξάν σην πόρτα σ’
άψον το κερί σ’ κι έλα σήν πόρτα σ’ / κι έλα σήν πόρτα σ’

Χα μηλόπα , χα ξερά τζιρόπα / ξερά τζιρόπα
Χα ξερά , μαύρα κοκκιμελόπα / κοκκιμελόπα


Χρόνια πολλά πάντα και του χρόνου!

[Appelsinpiken]

Κάλαντα και τα δικά μου:
Χριστός γεννέθεν χαρά σον κόσμον
Χριστός γεννέθεν χαρά σον κόσμον
Α καλήν ώρα καλής ημέραν
Α καλό παιδί οψέ γεννέθεν
Οψέ γεννέθεν ουρανοστάθεν
Οψέ γεννέθεν ουρανοστάθεν
Τον εγέννεσεν η Παναΐα
τον ενεστεσσεν αεί παρθένος
Έρπαξαν ατόν οι σιλ'Εβραίοι
Έρπαξαν ατόν οι σιλ'Εβραίοι
Σιλ'Εβραίοι κ μύριοι Εβραίοι
Ας ακρέντικά κι ας την καρδιά
Κι έλθον τη Χριστού τα παλλικάρε
και φημίζεν το νοικοκύρη
νοικοκύρη και βασιλέα
Δέβα σο ταρέζ κι έλα σην πόρτα σ
Δέβα σο ταρέζ κι έλα σην πόρτα σ
κι αν κι ανοις μας χαρά σην πόρτα ς χαρά σην πόρτα ς

αυτό μόνο θυμάμαι σίγουρα...

[dimvam]

ΑΗΤΕΝΤΣ ΕΠΑΡΑΠΕΤΑΝΕΝ


Αητέντς’ επαραπέτανεν
Ψηλά ‘ς σα επουράνια (ούϊ αμάν, αμάν)
Είχεν τσιαγκία κόκκινα
Και το κουδούκ’ νατ’ μαύρον (ούϊ αμάν, αμάν)
Κι εκράτ’ νεν και ‘ς Σα κάρτσια του
Παλληκαρί’ βρασιόνας (ούϊ αμάν, αμάν)
Αητέ μ’ για δός μ’ ας σο κρατείς
Για Πε με όθεν κείται (ούϊ αμάν, αμάν)
Ας’ σο κρατώ ‘κι δίγω σε
Αρ’ όθεν κείται λέγω
Ακεί ‘ς ‘σο πέραν το ρασίν
Σο πέραν καν τ’ ελάτια
Μαύρα πουλία τρωγν’ ατον
Και άσπρα τριγυλίσκουν
Φατέστεν πούλια μ’ φατέστεν
Φατέστεν τον καρύπιν
‘Σ σην θάλασσαν κολυμπετής
σ’ ομάλια πεχληβάνος
Σ’ σο πόλεμον τραντέλλενας
Του Πόντου παλληκάρι

 

[dimvam]

Ο ΓΙΑΝΝΕΣ Ο ΜΟΝΟΓΙΑΝΝΕΣ

 
Ο Γιάννες ο μονόγιαννες,
Ο μοναχόν ο Γιάννες,
Ο Γιάννες επεπίρνιξεν
Και πεγάδ' επήγεν,
Γαργάριξεν η μαστραπά,
Εγνέφιξεν ο ρδάκον
Εξέβεν ρδάκος άγγελος
Και θέλ' να τρώη τον Γιάννεν.
- Καλώς καλώς το πρόγεμα μ',
Καλώς το δειλινάρι μ',
Καλώς το τρώγω κι αγρυπνώ
Και κείμαι και κοιμούμαι.
- Παρακαλώ σε, ρδάκε μου,
Άφ'σ' με κάν πέντ' ημέρας,
Πάγω 'λέπω τον κύρι μου,
Έρχουμαι κ' εσύ φά' με.
- Άρ' άμε, άμε, Γιάννε μου,
Άμε κι αλήγορ' έλα.
Ο Γιάννες μόνον έργεψεν,
Ο ρδάκον εθερέθεν,
Όντας τέρή το πέραγκιαν,
Ο Γιάννες κατηβαίνει.
- Καλώς καλώς το πρόγεμα μ',
Καλώς το δειλινάρι μ',
Καλώς το τρώγω κι αγρυπνώ
Και κείμαι και κοιμούμαι.
- Άσε με, ρδάκον, άσε με,
Άσε με, νε θερίον,
Πάγω 'λέπω τη μάννα μου,
Έρχουμαι κ' εσύ φά' με.
- Αρ' άμε, άμε, Γιάννε μου,
Άμε κι αλήγορ' έλα.
Ο Γιάννες μόνον έργεψεν,
Ο ρδάκον εθερέθεν,
Όντας τερή το πέραγκιαν,
Ο Γιάννες κατηβαίνει.
- Καλώς καλώς το πρόγεμα μ',
Καλώς το δειλινάρι μ',
Καλώς το τρώγω κι αγρυπνώ
Και κείμαι και κοιμούμαι.
- Παρακαλώ σε, ρδάκε μου,
Θεού παρακαλίας,
Ας πάγω 'λέπω τ' ορφανά,
Δατάχκουμαι την κάλη μ'.
- Αρ' άμε, άμε Γιάννε μου,
Άμε κι αλήγορ' έλα.
Ο Γιάννες μόνον έργεψεν,
Ο ρδάκον εθερέθεν,
Όντας τερή το περαγκιαν,
Ο Γιάννες κατηβαίνει.
Είχεν τα χέρα 'τ' πίσταυρα,
Την γούλαν κρεμασμένον,
Κι άλλ' οποπίσ' ο κύρις ατ'
Φτουλίζ' γα γένα 'τ' κ' έρται,
Κι άλλ' αποπίσ' η μάννα του
Καταματούται κ' ερται,
'σ όλτς αποπίσ' η κάλη του,
χρυσή καβαλλαρέα,
χρυσόν μήλον 'ς σο χέρ'ν ατής
παίζει και κατηβαίνει,
κατακαρδών' τον Γιάννεν ατ'σ
και φοβερίζ' τον ρδάκον.
- Καλώς καλώς το πρόγεμα μ',
Καλώς το δειλινάρι μ',
Καλώς το τρώγω κι αγρυπνώ
Και κείμαι και κοιμούμαι.
- Σπαθίν κα έν' το πρόγεμά σ',
Κοντάρ' το δειλινάρι σ',
Φαρμάκ' να τρώς και αγρυπνάς
Και κείσαι και κοιμάσαι.
- Κόρ' απ' εμέν 'κ' εντρέπεσαι,
Απ' εμέν 'κι φοβάσαι;
- Από εσέν 'κ' εντρέπομαι,
Απ' εσέν 'κι φοβούμαι.
- 'Σ τον Θο σ', 'ς τον Θο σ', νε κόρασον,
τα γονικά σ' απόθεν;
- Η μάννα μ' απ' τους ουρανούς,
Ο κύρη μ' απ' τα νέφα,
Τ' αδέλφα μ' στράφτ'νε και βροντούν
Κ' εγώ γριλεύω ρδάκους,
'Σου πεθερού μου το τσακόν'
σερέντα ρδάκων δερμα,
έναν να παίρω και τ' εσόν,
γίνταν σεράντα έναν.
- Καθώς που λες, νε κόρασον,
Άμε απόθεν έρθες,
Ας έν' ο Γιάννες χάρισμα σ',
Έπαρ' 'τον κι άμε δέβα,
Ας έν' ο Γιάννες αδελφό μ',
Η κάλη του η νύφε μ',
Του Γιάννε τα μικρότερα
Ας είν' γυναικαδέλφα μ'.

[dimvam]

ΑΝΤΑΡΤΗΣ


Αντάρτης απάν 'ς σα βουνά
αντάρτην εκουβάλνεν
τραματημένον 'ς σο πλευρόν
το αίμαν ατ' εχάνεν
Αφ 'ς με και γλύτωσον την ψη σ'
είμαι αποθαμένος
επαρακάλνεν κι έλεεν
τον φίλον ο ντογμένος
Ερχουνταν τ' αποσπάσματα
τοι δυ-ς-πα θα πιανε
εμέν εσύ ξάϊ μη νουνίεις
εσεν πα θα κρεμάνε
Εντάμαν εμ' νες ς' σο ραχίν
άν χάνω σε θα χάμαι
'ς ση ζωήν και 'ς σον θάνατον
φίλε μαζί θα πάμε

[anonymous-root]

Καλά εποίκα κ' εγάπεσα


Καλά εποίκα κ' εγάπεσα
σʼ εμόν τη γειτονίαν
εμπαίνʼ εβγαίνʼ ελέπα ατό
και σαίρεται η καρδία μʼ.

Εκάψες το καρδόπο μου
διαβόλʼ γεννεμασέα
τον ήλιον αίμαν να ελέπʼς
τη γη σκοτεινιασέα.

Ο ουρανόν αστράφτʼ βροντά
και σύρʼ τα γιουλτουρούμ(ι)α
εγώ τη νιότη μʼ έφαγα
σε εσά τα καλντουρούμ(ι)α.

[anonymous-root]

Αναστορώ τα παλαιά

Αναστορώ τα παλαιά
Κι η καρδ(ι)ά μʼ φαρμακούται
Κρούνε σο νου μʼ τα μέρα μουν
Και η γούλα μʼ γομούται.

Έκειτι τόπα έμορφα
Τη πάτριδας χωρία
Ρασόπα που επέμνετε
Με τα νερά τα κρύα.

Θυμούμαι τα κρύα νερά σʼ
Τα πράσινα χορτάρ(ι)α σʼ
Τʼ άσπρα τα σ(ι)όνια σʼ, την βρεσί σʼ
Τʼ έμορφα τα παρχάρ(ι)α σʼ.

[dimvam]

Ο γαμπρόν

Ιωαννίδης Γιώργος
Μουσική/Στίχοι: Παραδοσιακό
 
Σ' εμέτερον το χωρίον
εποίκαμε έναν γαμπρόν
να ελέπ' τη νισαλούν ατ'
πάντα πάει σον πεθερόν
 
Γραία εποίκαμε γαμπρόν
σφάξον έναν πετεινόν
φούστουρον και μακαρίναν
φάϊσον γραία το γαμπρόν
 
Κοσσαρόπα, πιλιτσόπα
η πεθερά έναν-έναν σπαζ'
φούστουρον και μακαρίναν
το γαμπρόν για να χορτάζ'
 
Η γραία παρακαλεί
η κοσσάρα να ωβάζ'
να εφτάει το φούστουρον
το γαμπρόν για να χορτάζ'

[dimvam]

Χαμαίλυνον καρά-καπάν

Στίχοι- Μουσική: Μιχάλης Καλιοντζίδης

Χαμαίλυνον καρά-καπάν
και Άε-Ζαχαρέα
Να 'λέπω τ' αρνίμ' πως περ'μέν'
σ' έρημον τη φωλέαν
 
Ο ουρανόν κι η θάλασσα
η γη κι όλα τα πάντα
Έλα αρνόπο μ' μετ' εμέν
πασκεί μ' θα ζούμε πάντα
 
Σον ουρανόν πετά πουλίν
σην γην ευτάει εβόραν
Εγώ κ' εσύ ντο είπαμε
μη λες ατό τη χώραν
 
Αρνί μ' τ' εσόν ο πρόσωπον
και τ' εσά τ' ομμάτια
μετ' εσέν πουλί μ' θα χαίρουμαι
και παίρω τα μουράτια μ'

[dimvam]

Το μαχαίρι μ' σίδερον

Ιωαννίδης Γιώργος
Μουσική/Στίχοι: Ιωαννίδης Λάζος/Παπαγιαννίδης Πολυχρόνης

 
Το μαχαίρι μ' σίδερον
είδα σε οσήμερον
Ασ' ασήμ' έν' το θεκάρ'
έπαρ' με το παλικάρ'
 
Σο καϊνάκιν το νερόν
κρύον κι ποτίεται
Άμον τ' αρνί μ' έμορφον
σον κόσμον κ' ευρίεται

[Appelsinpiken]

Η μάνα εν κρύον νερόν....

Όταν γερά η μάνα και άλλο κε μπορεί
Ατότε θέλ' βοήθειαν, ατότε θέλ' ζωήν, ατότε θέλ' ζωήν
Κι όταν θα έρτε η ώρα και άλλο κι θα ζει
Αμαν κε φτας το χρέος σοις θα καίεται η ψύ σ'

Η μάνα εν κρύο νερόν και σο ποτήρ' κε μπαίν'
Η μάνα να μη ίνεται, η μάνα να μη εν, η μάνα να μη εν

Η μάνα εν βράχος, η μάνα εν ρασίν
Σον δύσκολον την ώρα σ', μανίτσα, μανίτσα, μανίτσα'μ θα τσαείς
Η μάνα εν το στήριγμαν, τη χαράς το κλαδί
τ' ατηνές η εγάπη κε βρίεται ση γην

Η μάνα εν κρύο νερόν και σο ποτήρ' κε μπαίν'
Η μάνα να μη ίνεται, η μάνα να μη εν, η μάνα να μη εν

Θα δεβαίνε τα χρόνεα, θα έρουμε και μεις
Ατά είναι με τη σειρά κι θα γλυτών' κανείς, κι θα γλυτών' κανείς
και ολ' πρέπ' να εξέρουμε σ' αούτο την ζωήν
χωρίς τη μάνας την ευχήν κανείς κε λέπ' χαΐρ'

Η μάνα εν κρύο νερόν και σο ποτήρ' κε μπαίν'
Η μάνα να μη ίνεται, η μάνα να μη εν, η μάνα να μη εν


Νομίζω ότι παραδέχεστε, έτσι???